А. Байтұрсынов атындағы ҚӨУ сыбайлас жемқорлық тәуекелдеріне қарсы іс-қимыл және әдеп жөніндегі уәкілдің парақшасына қош келдіңіздер!
Мемлекет басшысының Қазақстан халқына Жолдауында Қасым-Жомарт Тоқаев Мемлекет алдында бес институционалдық реформа мен Елбасы әзірлеген Ұлт жоспарын толық жүзеге асыру қажет екенін атап өтті.
«Біздің қоғамның басты міндеттерінің бірі сыбайлас жемқорлыққа қарсы күресті күшейту болып табылады» - деп Елбасы Нұрсұлтан Назарбаевтың Бес институционалды реформасын жүзеге асыру бойынша 100 қадам Ұлт жоспарында айтылған.
Сыбайлас жемқорлыққа қарсы іс-қимылдың құқықтық негізін Қазақстан Республикасының Конституциясы, Қазақстан Республикасының 2015 жылғы 18 қарашадағы «Сыбайлас жемқорлыққа қарсы іс-қимыл туралы» Заңы, Қазақстан Республикасы Президентінің 2014 жылғы 26 желтоқсандағы «Қазақстан Республикасының 2015-2025 жылдарға арналған сыбайлас жемқорлыққа қарсы стратегиясы туралы» Жарлығы, Қазақстан Республикасының өзге де нормативтік актілері құрайды.
Бүгінгі күні сыбайлас жемқорлыққа қарсы қазіргі заманғы саясатты іске асыру негізінде парасаттылық идеологиясы жатыр. Сыбайлас жемқорлыққа қарсы іс-қимыл агенттігінің басшысы Алик Шпекбаев атап өткендей, сыбайлас жемқорлыққа қарсы іс-қимылдың тиімділігін арттырудың тұжырымдамалық негізі – қоғамды дамытудың қазіргі кезеңінде азаматтардың сыбайлас жемқорлыққа қарсы жоғары мәдениетін қалыптастыру контексінде бекітілетін парасаттылық идеологиясы айқындалған.
Біздің бетте сіз университеттің сыбайлас жемқорлық тәуекелдеріне қарсы іс-қимыл жөніндегі қызметі туралы ақпаратты таба аласыз: сыбайлас жемқорлыққа қарсы саясатты ілгерілетуге уәкілетті адамдардың байланыс деректері, өткізілетін іс-шаралар туралы жаңалықтар, нормативтік-құқықтық актілер, жатақханаға орналасқандардың және босаған гранттар бойынша конкурста жеңіп шыққан студенттердің тізімі. Сонымен қатар, егер сіз біздің университетте олармен бетпе-бет келуге тура келсе, сіз осы жерде сыбайлас жемқорлық фактілері туралы хабарлама қалдыра аласыз. Көрсетілген ақпарат сізге пайдалы және қызықты болады деп үміттенеміз.
Сізге зор денсаулық және А. Байтұрсынов атындағы ҚӨУ қабырғасында жақсы оқу тілейміз!